191

کلام … (شگفتہ یاسمین,چیچہ وطنی)

کلام: شگفتہ یاسمین، چیچہ وطنی

عشق عشق تاں کردا ایں کدے عشق دے راز کھول کے ویکھ
او وسدا تیرے من اندر کدے من اپنے نوں پھول کے ویکھ

چار دناں دا میلہ دنیا سجیا خون تے عشق دا جنبھیلا دنیا
سدا نیں رہنا باغ بہاراں سداتے نیں اے ویچھونا دنیا
چھڈ جاندا ہر رشتہ ناتا کدے عدل اندر تو تول کے ویکھ

لکھ محبتاں پیچ پریتاں سجیاں جگ تے ریت تے ریتاں
نیڑے آیاں جھوٹھیاں ریجھاں دور دیاں بس پوچھ پریتاں
ہر مکھ اک دن چھڈ جاندا اے کدے غرض دے مول مول کے ویکھ

مرن پرن وچ رجھیا رہندا ایں جوڑ توڑ ویچ کھبیا رہندا ایں
میری میری تیری وی میری بس اکوں کلمہ کہندا رہندا ایں
ڈوبیا بیڑا وی تر جاندا اے کدی سچے بول وی بول کے ویکھ

نفس دی چاہ ویچ ہجرتے وصل دے درد بکھیڑے پائے نی
غرض نمازاں غرض مصّلے تے من مرضی دے ترلے پائے نی
اتھروں اپنے ویچ کدے ربّ دی رضا نوں وی گھول کے ویکھ

نہ پئے دنیاوی رنگ ڈھنگ ایچ رنگ جاتو اوہدی صفت دے رنگ ایچ
دھار لے جند نوں اوہدی چاہ دے رنگ ایچ کھو جا اہدی خلقت دے ڈھنگ ایچ
اوہ ملدا ایسے جگ تے سُن کدے ذات اپنی نوں رول کے ویکھ

اس خبر پر اپنی رائے کا اظہار کریں

اپنا تبصرہ بھیجیں