360

غزل: تجھ سے عشق بھی تو جیسے مسئلہِ کشمیر کی مانند ہے … (شگفتہ یاسمین، چیچہ وطنی)

شاعرہ: شگفتہ یاسمین، چیچہ وطنی.

You can only have direct referrals after 15 days of being a user and having at least 100 clicks credited

تجھ سے عشق بھی تو جیسے مسئلہِ کشمیر کی مانند ہے
جو کی جاتی ہیں اسمبلی میں یہ اُن تدابیر کی مانند ہے

نہ ہو فیصلہ کوئی اور نہ ہی تم بنو میرے عمربھر
تیری چاہت بھی کوئی جیسے کسی جاگیر کی مانند ہے

رہے ساری عمر ہی کوئی راہِ ہجر میں جیسے مسافر
نہ ہو منزل جس کی راہ کی تو اُس راہگیر کی مانند ہے

کٹ رہی ہیں گردنیں جہاں ارمانوں کے خوابوں کی
فیصلہ نا حق جو تیرا ہے، بزور شمشیر کی مانند ہے

وادیِ کشمیر تو جنت ہے، جس پہ قابض ہیں اغیار
جنت تیرا پیار ہے، تیرے احباب، اغیارِ نظیر کی مانند ہے

خدا کرے ہو سلامتی کونسل جیسا کوئی اجلاس
قفل ٹوٹے تیرے لب کاجو اظہارکی زنجیر کی مانند ہے

نہ جانے کب ہو اس کربِ کرفیو سے آزادی نصیب
جس کے لکھے کا نہ پتہ ہو، تو ایسی تقدیر کی مانند ہے

اس خبر پر اپنی رائے کا اظہار کریں

اپنا تبصرہ بھیجیں