180

لاہور: موٹاپے کا شکار صادق آباد کے رہائشی نورالحسن انتقال کرگئے.

لاہور (اسد الیاس سے) موٹاپے کا شکار صادق آباد کے رہائشی نورالحسن گذشتہ روز انتقال کرگئے جب کہ آرمی چیف نے نور الحسن کی وفات پر افسوس کا اظہار کیا ہے۔

تفصیلات کے مطابق موٹاپے کا شکار صادق آباد کے رہائشی نورالحسن انتقال کرگئے، نورالحسن کے لواحقین نے بھی موت کی تصدیق کر دی جب کہ ان کی میت کو آبائی شہر صادق آباد لے جایا جائے گا، نورالحسن کو کچھ روزقبل علاج کے لیے لاہور کے نجی اسپتال میں لایا گیا تھا جہاں ان کا آپریشن کیا گیا تھا۔

ترجمان شالامار اسپتال کے مطابق نورالحسن کی موت ہارٹ اٹیک سے ہوئی، لواحقین نے الزام لگاتے ہوئے کہا کہ نورالحسن کی موت طبی امداد بند ہونے سے ہوئی جب کہ موت کی وجہ سے تحریری طور پر آگاہ کیا جائے۔ اہلیہ نورالحسن کا کہنا ہے کہ ہم صبح ناشتہ کرنے باہر آئے، پھر واپس آئے تو ہمیں بتایا گیا کہ نورالحسن انتقال کرگئے ہیں، جب تک ہم بیٹھے رہے وہ ٹھیک تھے، ہمیں طبیعت کی خرابی کا نہیں بتایا گیا بس اچانک موت کی اطلاع دی گئی، علاج تو ٹھیک ہورہا تھا لیکن اچانک پتہ نہیں کیا ہوا جب کہ ہمیں کسی نے موت کی وجہ کے بارے میں بھی کچھ نہیں بتایا، صرف ڈیڈ باڈی حوالے کی گئی ہے۔

دوسری جانب آئی ایس پی آر کی جانب سے جاری ٹویٹر بیان میں آرمی چیف جنرل قمر جاوید باجوہ نے نور الحسن کی وفات پر افسوس کا اظہار کرتے ہوئے کہا کہ اللہ پاک نور الحسن کی مغفرت کرے اور درجات بلند کرے، اللہ کی مرضی، انسان صرف کوشش کرسکتا ہے۔

اس خبر پر اپنی رائے کا اظہار کریں

اپنا تبصرہ بھیجیں