192

اسلام آباد: تحریک انصاف کی حکومت کارکردگی دکھا رہی ہے، وزیراعظم

اسلام آباد (خصوصی رپورٹ) وزیراعظم عمران خان کا کہنا ہے کہ قومی گرڈ میں 22550 میگا واٹ بجلی کی شمولیت کے ساتھ 2 جولائی کو ہم ترسیل کی بلند ترین سطح تک پہنچ گئے۔

وزیراعظم عمران خان نے وزارت توانائی کو مبارکباد دیتے ہوئے کہا کہ قومی گرڈ میں 22550 میگا واٹ بجلی کی شمولیت کے ساتھ 2 جولائی کو ہم ترسیل کی بلند ترین سطح تک پہنچ گئے اورپورا نظام بھی الحمداللہ بلارکاوٹ فعال ہے۔ گزشتہ موسم گرما کی ترسیل کی بلند ترین سطح سے یہ مقدار تقریباً 3000 میگا واٹ زائد ہے۔

وزیراعظم نے کہا کہ وعدے کے مطابق ہماری حکومت گیس چوری کا بھی بھرپور تعاقب کر رہی ہے۔ وسط اپریل سے جاری مہم کے نتیجے میں اب تک نشاندہی کے بعد 18000 غیر قانونی کنکشنز منقطع کیے جا چکے ہیں جن کی مالیت 2.3 ارب روپے سے بھی زیادہ ہے۔ بہترین کارکردگی پر وزارت توانائی کو میرا خراج تحسین پیش کرتا ہوں کہ جس نے 8 ماہ میں (اکتوبر 2018 سے مئی 2019 تک) پچھلے سال کے اسی عرصے (اکتوبر 2017 سے مئی 2018) کے مقابلے میں 106 ارب روپے کی اضافی آمدن حاصل کی جس کا 75% چوری کیخلاف مہم کا نتیجہ ہے۔ تحریک انصاف کی حکومت کارکردگی دکھا رہی ہے۔

اس خبر پر اپنی رائے کا اظہار کریں

اسلام آباد: تحریک انصاف کی حکومت کارکردگی دکھا رہی ہے، وزیراعظم” ایک تبصرہ

  1. حالانکہ تحریک انصاف کی حکومت نے ایک میگاواٹ بجلی بھی پیدا نہیں کی۔ تو مبارک کس بات کی۔ اضافی رقم جو اکٹھی ہوئی ہے وہ ہماری جیب کاٹی گئی ہے قیمتوں میں اضافہ کرکے۔
    بجلی کی پیداوار کی مبارکباد جس شخص کو دینا چاہیئے اس کو جیل میں ڈالا ہوا ہے۔ اسی جرم کی پاداش میں۔

اپنا تبصرہ بھیجیں