197

اسلام آباد: پی ٹی آئی چھوڑنے کی خبروں میں کوئی صداقت نہیں، پی ٹی آئی چھوڑنے کی خبر کا میرے علاوہ سب کو علم ہے۔ اسد عمر

اسلام آباد (خصوصی رپورٹ) سابق وفاقی وزیر خزانہ اسد عمر نے تحریک انصاف چھوڑنے کی خبروں کی تردید کر دی۔میڈیا رپورٹس کے مطابق قومی اسمبلی کی قائمہ کمیٹی برائے خزانہ کا اجلاس اسد عمر کی سرابرہی میں ہوا۔ جس میں منی لانڈرنگ کرنے والوں کے لیے سزا و جرمانہ بڑھانے کی تجویز دی گئی۔ اسد عمر کا کہنا ہے کہ پی ٹی آئی چھوڑنے کی خبروں میں کوئی صداقت نہیں۔ انہوں نے کہا کہ میری پی ٹی آئی چھوڑنے کی خبر کا میرے علاوہ سب کو علم ہے۔ واضح رہے وزیراعظم عمران خان نے وفاقی کابینہ میں ناقص کارکردگی کی بنیاد پر بڑے پیمانے پر اکھاڑ پچھاڑ کی تھی۔ وزیرخزنہ اسد عمر نے اپنی وزارت چھوڑنے کا اعلان کیا اور آئندہ بغیر کسی وزارت کے پارٹی کی سپورٹ جاری رکھنے کا فیصلہ بھی کیا تھا، جس کے بعداسد عمر کے پارٹی کو خیر آباد کہنے سے متعلق خبریں کردش کرتی رہیں۔

خبر گردش کررہی تھی کہ سابق وزیرخزانہ اسد عمر نے وزارت خزانہ کے بعد سیاست کو بھی خیرباد کہنے کیلئے قریبی دوستوں سے مشاورت شروع کردی ہے اور اسد عمر پارٹی کی اندرونی سیاست سے دلبرداشتہ ہیں۔ سابق وزیرخزانہ اسد عمرنے قریبی دوستوں کو کہا کہ چاہتا ہوں کہ اسمبلی رکنیت سے استعفیٰ دے دوں، میری فیملی بھی سیاست سے نالاں ہے۔
انہوں نے کہا کہ زیادہ وقت کراچی میں گزاروں گا۔ لیکن اسد عمر کے دوستوں نے انہیں اسمبلی کی رکنیت نہ چھوڑنے کا مشورہ دیا تھا۔ ایسی تمام خبروں کو اسد عمر نے پہلے بھی من گھڑت اور بے بنیاد قرار دے دیا تھا گزشتہ روز انہوں نے ایک بار پھر انہوں نے پارٹی چھوڑنے کی خبروں کی سختی سے تردید کی ہے۔ میڈیا رپورٹس میں بتایا گیا تھا کہ اسد عمر کا کہنا ہے کہ پی ٹی آئی چھوڑنے کی خبروں میں کوئی صداقت نہیں۔ انہوں نے کہا کہ میری پی ٹی آئی چھوڑنے کی خبر کا میرے علاوہ سب کو علم ہے۔

اس خبر پر اپنی رائے کا اظہار کریں

اپنا تبصرہ بھیجیں