184

اسلام آباد: وزیر اعظم نے شیخ رشید کو ریلوے کے ایم ایل ون منصوبے پر پیشرفت میں تیزی لانے کی ہدایت.

اسلام آباد (خصوصی رپورٹ) وزیراعظم کی زیر صدارت اجلاس میں وزیر ریلوے شیخ رشید احمد نے وزیراعظم کو ایم ایل ون پراجیکٹ پر اب تک کی پیشرفت سے تفصیلی بریفنگ دی۔

اجلاس میں وزیر ریلوے شیخ رشید احمد اور وزیر منصوبہ بندی مخدوم خسرو بختیار نے شرکت کی، اس موقع پر وزیر ریلوے نے وزیراعظم کو ایم ایل ون پراجیکٹ پر اب تک کی پیش رفت سے تفصیلی طور پر آگاہ کیا۔ اجلاس میں وزیراعظم عمران خان نے ایم ایل ون منصوبے پر پیش رفت میں تیزی لانے کی ہدایت کرتے ہوئے کہا کہ ریل کی سواری عام آدمی کی سواری ہے لہذا ریلوے کے سفر اور اثاثوں کو محفوظ بنانے کے لیے ہر ممکن کوشش کی جائے۔ وزیراعظم عمران خان کا کہنا تھا کہ ایم ایل ون منصوبہ سی پیک منصوبوں کا نہایت اہم اور تذویراتی پراجیکٹ ہے، منصوبے کی تکمیل سے جہاں نہ صرف ریلوے کے نظام میں جدت آئے گی وہاں عوام کو مال برداری و سفر کی بہتر سہولیات میسر آئیں گی۔

اس خبر پر اپنی رائے کا اظہار کریں

اپنا تبصرہ بھیجیں