301

جگ دے جھوٹے یار منون توں چنگا ایکو سچا یار منا لئیے ….. (شگفتہ یاسمین)

شاعرہ: شگفتہ یاسمین، چیچہ وطنی

جگ دے جھوٹے یار منون توں چنگا اکو سچا یار منا لئیے
جھوٹ, فریب دی دنیا داری ایتھوں نفس اپنا چھڈا لئیے

ساری نفسا نفسی دی ای تاں بس جاگیر اے ایتھے
کُوڑے لاکاں دے ہتھ پئی اپنی تقدیر اے ایتھے

چھڈ کے جھوٹے جگ نوں پرے دور کیتے ڈیرا لا لئیے
جگ دے جھوٹے یار منون توں چنگا اکو سچا یار منا لئیے

دنیا تے بس ہن چوکھے زَر دے ڈھیراں دی اے ایتھے
سچی جھوٹی بنی ٹور دے بکھیراں دی اے ایتھے

بدل کے سوچ اپنی ماڑے عملاں توں پلہ بچا لئیے
جگ دے جھوٹے یار منون توں چنگا اکو سچا یار منا لئیے

ایس جگ تے رہ گئی بس ہن وقت گزاری اے
عقل نوں مار کے اپنے نفس دی تابعداری اے

چھڈکے ہوس دے گندےنالے نوں ستھرا کوئی جہان وسا لئیے
جگ دے جھوٹے یار منون توں چنگا اکو سچا یار منا لئیے

دنیاوی یار دے پیچھے پیچھے بھجنا پیندا اے
اُس دی خوشی دے لئیی اپنا آپ ونجانا پیندا اے

بُت ونجان توں چنگا اِنہوں اوس ذات دا سجدا کرا لئیے
جگ دے جھوٹے یار منون توں چنگا اکو سچا یار منا لئیے

اہ جہان تے رہ گیا ہن چنگی وقت گزاری دا اے
نفس دی پوجا تے ہوس دی گُلِ گلزاری دا اے

لا کے مت تے جی اپنے نوں پکی جاگ جگا لئیے
جگ دے جھوٹے یار منون توں چنگا اکو سچا یار منا لئیے

اس خبر پر اپنی رائے کا اظہار کریں

اپنا تبصرہ بھیجیں