187

اسلام آباد: بینک والوں کی شمولیت کے بغیر جعلی اکاؤنٹ نہیں کھل سکتا، چیف جسٹس

اسلام آباد (محمد طارق سے) چیف جسٹس پاکستان آصف سعید کھوسہ نے ریمارکس دیے ہیں کہ بینک والوں کی شمولیت کے بغیر جعلی اکاؤنٹ نہیں کھل سکتا اور جعلی اکاؤنٹس سے دیگر اکاؤنٹس ہولڈرز خوف اور عدم اعتماد کا شکار ہوتے ہیں۔

سپریم کورٹ میں جعلی بنک اکاؤنٹس کیس کے ملزم محمد انور کی اپیل کی سماعت ہوئی تو مدعی محمد انور نے سزا کیخلاف اپیل واپس لے لی۔ چیف جسٹس پاکستان آصف سعید کھوسہ نے کہا کہ بینک والوں کی شمولیت کے بغیر جعلی اکائونٹ نہیں کھل سکتا، معاملہ گھمبیر ہے کیوں نہ سزا بڑھا دیں؟ ملزم کے وکیل نے کہا کہ جعلی اکائونٹس کا معاملہ 1999 کا ہے اور اس کا موکل تین سال کی سزا سے زیادہ جیل کاٹ چکا ہے۔ چیف جسٹس نے کہا کہ بنک والے اکاؤنٹ کھولنے میں بڑی احتیاط کرتے ہیں، لیکن جعلی شناختی کارڈ اور جعلی دستاویزات سے اکاؤنٹس کھل گئے، جعلی اکاؤنٹس کھولنے سے دیگر اکاؤنٹس ہولڈرز کے اعتماد کو دھچکہ لگتا ہے اور خوف کا شکار ہوتے ہیں۔

اس خبر پر اپنی رائے کا اظہار کریں

اپنا تبصرہ بھیجیں