290

عورت بھی کتنی عجیب ہوتی ہے؟….(منتخب تحریر)

(منتخب تحریر)

عورت بھی کتنی بے وقوف ہوتی ہے ..
وہ فجر کے وقت اٹھی نماز پرھ کر .
کچن میں آئی چولہے پر چائے کا پانی چڑھایا.
پھربچوں کو جگایا تاکہ وہ اسکول جانے کے لیے تیار ہوسکیں.
کچن میں آئی چائے بنائی اور اپنے ساس سسر کر دے کر آئی.
پھر اپنے بچون کا ناشتہ بنانے لگی بچے تیار ہوکرآئے تو ان کو ناشتہ کرایا.
بچوں کا لنچ بنایا.
اتنے میں بچوں کی وین آگئی.
بچوں کو اسکول کے لیے روانی کیا.
میز سے برتن سمیٹے.
اتنے میں شوہر آفس کے لیے تیار ہونےگئے
تو ان کی تمام چیزیں ان کو دی اور جلدی سے کچن میں آکر شوہر کا ناشتہ بنانے لگی.
ابھی ایک پراٹھا اور انڈا ہی بنا تھا
کہ
چھوٹی نند کچن میں آئی یہ کہہ کر ناشتہ لے گئی کہ مجھ کو کالج سے دیر ہورہی ہے.
ساتھ ہی دیور یونیورسٹی جانے کے لی تیار ہوگیا تھا.
جلدی جلدی اپنے شوہر اور دیور کا ناشتہ بنایا.
اور میز پر لگایا . اتنے میں نو بج گئے شوہر آفس گئے.
تو آکر میز سے برتن سمیٹے.
ساس سسر کے لے ناشتہ بنایا.
جب تک ساس سسر نے ناشتہ کیا . اس نے کچن سمیٹا اور برتن دھوئے.
ساس سسر کے ناشتہ کے برتن سمیٹ رہی تھی
کہ
صفائی کرنے والی ماسی آگئی.
اس کے ساتھ لگ کر صفائی کرائی.
جب ماسی کو رخصت کیا تو گیارہ بج گئے تھے.
اتنے میں گنٹی بجی اور اس کی شادی شدہ نند بمعہ اپنے دو چھوٹے بچوں کے آگئی.
جلدی جلدی مہمانوں کی تواضع کے لیے چائے اور اس کے ساتھے کچھ ناشتہ بنایا.
اتنے میں بارہ بج گئے.
جلدی سے کچن میں کھانا بنانے گئی.
تو
ساس کی آواز آئی آج کچھ اہتمام کرنا کھانے میں.
اس نے کھانا چڑھایا چولہے پر.
اور جلدی جلدی روٹیاں بنانے لگی کیونکہ ایک بج رہا تھا
اور اس کے بچے آنے والے تھے.
بچے اسکول سے آئے تو جلدی جلدی ان کو منہہ ہاتھ دھلواکر اور کپڑے بدلوا کر ان کو کھانا کھلایا.
پھر چھوٹی نند بھی کالج سے آگئی اور دیور بھی واپس آگیا.
سب کے لیے کھانا لگایا اور جلدی جلدی روٹیاں بنانے لگی
جب سب کھا کر اٹھ چکے تو تین بج چکے تھے
اور اس کو ایک دم بھوک کا احساس ہوا.
اس نے میز پر ہاٹ پاٹ میں دیکھا ایک بھی روٹی نہیں بچی تھی.
وہ میز کے برتن اٹھا کر کچن میں جانے لگی
تو اس کا شوہر گھر میں داخل ہوا
اس کے شوہر نے اس کو دیکھتے ہی کہا بری بھوک لگی ہے جلدی سے کھانا نکالو
وہ اپنے شوہر کے لیے جلدی جلدی روٹیاں بنانے لگی
جب اس نے اپنے شہر کے لیے کھانا لگایا تو چار بچ رہے تھے
اس کے شہر نے کہا آجاو تم بھی کھانا کھالو
اس نے حیرت سے شوہر کی طرف دیکھا.
اس کو خیال آیا کہ صبح سے اس نے کچھ نہیں کھایا.
وہ اپنے شہر کے ساتھ کھانا کھانے بیٹھ گئی
اس نے روٹی کا نوالہ منہ میں ڈالا تو اس کی آنکھ سے ایک آنسو نکل گیا.
اس کے شہر نے پوچھا کہ تم رورہی ہو
کیوں
اس نے سوچا
ان سے کیا کہوں ان کو کیا معلوم سسرال میں
کتنی محنت کے بعد یہ روتی کانوالہ ملتا ہے
جس کو لوگ مفت کی روٹی کہتے ہیں
اس نے اپنے شوہر کو جواب دیا کہ
کچھ نہیں
اس کے شوہر نے کہا
عورت بھی کتنی بے وقوف ہوتی ہے
بغیر کسی وجہ کے رونے لگتی ہے.

اس خبر پر اپنی رائے کا اظہار کریں

اپنا تبصرہ بھیجیں