263

اسلام آباد: ای سی ایل میں اس وقت بارہ ہزار سے زائد نام شامل.تفصیلات سامنے آگئیں.

اسلام آباد (حکیم طارق شاد سے) ایگزٹ کنٹرول لسٹ میں گزشتہ تین سال کے دوران 1082 نئے نام ڈالے گئے جب کہ تین ہزار 49 نکال دیئے گئے۔ ای سی ایل میں اس وقت بارہ ہزار سے زائد نام شامل ہیں۔ نمائندہ بریلینٹ کی حاصل کردہ معلومات کے مطابق تین سال کے دوران پنجاب کے 451، سندھ کے 317 اور اسلام آباد کے 38 افراد ای سی ایل کا حصہ بنے جبکہ کے پی کے سے 96 ، آزاد کشمیر کے 14 اور گلگت بلتستان کےچار افراد کے نام فہرست میں ڈالے گئے۔ 138 ایسے افراد بھی ای سی ایل کا حصہ ہیں جن کی رہائش کا کوئی ثبوت نہیں ہے۔ تین سال کے دوران پنجاب سے 1103 اور سندھ کے 613 افراد کے نام ای سی ایل سے نکال دیئے گئے جبکہ کے پی کے 179 اور بلوچستان کے 92 افراد کا نام ای سی ایل سے نکالے گئے۔ آزاد کشمیر سے 56 افراد، گلگت بلتستان سے 13 افراد اور اسلام آباد کے 133 افراد کو بیرون ملک سفر پر پابندی سے چھٹکارہ ملا۔ 863 ایسے افراد بھی ای سی ایل سے نکال دیئے گئے جن کا کوئی ایڈریس معلوم نہیں تھا۔

اس خبر پر اپنی رائے کا اظہار کریں

اپنا تبصرہ بھیجیں