254

ریاض: سعودی عرب کی تاریخ میں پہلی بار خاتون سفیر امریکا میں تعینات.

ریاض (ندیم احمد سے) شہزادی ریما بنت بندر بن سلطان کو امریکا میں پہلے سے تعینات سعودی ولی عہد شہزاد محمد بن سلمان کے چھوٹے بھائی شہزادہ خالد بن سلمان کی جگہ سعودی سفیر مقرر کردیا گیاہے۔ گذشتہ روز جاری ہونے والے شاہی فرمان کے مطابق شہزادی ریما بنت بندر امریکا میں بطور سفیر خدمات سر انجام دیں گی جب کہ شہزادہ خالد بن سلمان کو واپس بلا کر نائب وزیر دفاع کے عہدے پر فائز کردیا گیا۔ شہزادی ریما بنت بندر بن سلطان پہلی خاتون ہیں جنہیں امریکا میں سعودی سفیر ہونے کا اعزاز حاصل ہوا ہے۔ اس وقت شہزادی ریما بنت بندر سعودیہ کی ماس پارٹیسپیشن فیڈریشن کی صدر اور ڈ ویلپمنٹ پلاننگ اسپورٹس اتھارٹی کی ڈپٹی کے طور پر خدمات انجام دے رہی ہیں۔
شہزادی ریما بنت بندر خواتین کے حقوق اور معاشرے میں درپیش مسائل کے لیے ہمیشہ آواز اٹھاتی رہی ہیں اور ہر چیلنج کو مثبت نظر سے دیکھتی ہیں۔ وہ امریکی سیاست اور ماحول سے بھی خوب واقفیت رکھتی ہیں کیونکہ ان کے والد شہزادہ بندر بن سلطان بھی 1983سے 2005 تک امریکا میں سعودی سفیر کی خدمات انجام دے چکے ہیں۔ اس دوران شہزادی ریما بھی اپنے والد کے ساتھ واشنگٹن میں مقیم تھیں۔

اس خبر پر اپنی رائے کا اظہار کریں

اپنا تبصرہ بھیجیں