353

نعت رسول مقبول

شاعر : یاسر رضا آصف
سارا عالم ہی پڑھتا ہے صلی اللہ علیہ وسلم
دل بھی ذکر یہی کرتا ہے صلی اللہ علیہ وسلم

You can only have direct referrals after 15 days of being a user and having at least 100 clicks credited

دل کٹیا میں روشن رت نے آن کے ڈیرے ڈال دیے ہیں
ایک دیا جلتا رہتا ہے صلی اللہ علیہ وسلم

صبح دم جب سارے پنچھی گیت محبت کے گاتے ہیں
میرے ہونٹوں پر آتا ہے صلی اللہ علیہ وسلم

ہاتھوں کو میں دیپ بنا کر جب گریہ زاری کرتا ہوں
شعلہ سا اک جل اٹھتا ہے صلی اللہ علیہ وسلم

مشکل بھی خود ایک نئی مشکل میں یارو پھنس جاتی ہے
جب بھی لب پر آ جاتا ہے صلی اللہ علیہ وسلم

مایوسی کے جنگل میں پھر کتنے جگنو بھر جاتے ہیں
دل یہ وظیفہ جب کرتا ہے صلی اللہ علیہ وسلم

اب تو میں اکثر ہی آصف ان کے در پر ہی ملتا ہوں
ہاتھ پکڑ کر لے جاتا ہے صلی اللہ علیہ وسلم

اس خبر پر اپنی رائے کا اظہار کریں

اپنا تبصرہ بھیجیں